ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

សត្តនិគីហ្វូរ៉ូស បានដឹកនាំព្រះសហគមន៍ដ៏វិសុទ្ធដោយប្រាជ្ញា និងការខិតខំយ៉ាងខ្លាំង ក្នុងនាមជាអ្នកដឹកនាំដ៏អស្ចារ្យមួយរូបនៃទីក្រុងកុងស្តាន់ទីនូប៉ល។ នៅពេលដែលអធិរាជ លេអូ ជនជាតិ អាមេនី (Leo the Armenian) បានក្រោកឡើងប្រឆាំងនឹងរូបអាយខនដ៏វិសុទ្ធ (icons) សត្តនិគីហ្វូរ៉ូស តែម្នាក់ឯងបានប្រឆាំងនឹងអធិរាជ។ លោកបានផ្តល់ដំបូន្មានដល់អធិរាជ ហើយក្រោយមកបានរិះគន់ទ្រង់។ នេះហើយជាហេតុដែលអធិរាជដ៏អាក្រក់បាននិរទេសលោកទៅកោះព្រូកូនីស (Prokonis)។ នៅលើកោះនេះ សត្តនិគីហ្វូរ៉ូស បានសាងសង់ គ្រិស្តសង្ឃស្ថានមួយដើម្បីគោរពដល់សត្តថេអូដ័រ (St. Theodore)។ ទុក្ខសាក្សី នៃជំនឿគ្រិស្តឣ័រតូដុក្ស ម្នាក់នេះបានរស់នៅក្នុងសង្ឃស្ថាននេះរយៈពេលដប់បីឆ្នាំ ហើយក្រោយមកបានទទួលមរណភាព ថ្វាយខ្លួនទៅកាន់ព្រះអម្ចាស់ ក្នុងឆ្នាំ៨២៧ គ.ស.។ ដោយសារ អធិរាជទាំងអស់គ្នា​ ដែលប្រឆាំងនឹងរូបអាយខន បានស្លាប់អស់ ហើយដោយសារ​​​​​​​​​​​អធិរាជ មីខាអែល (Michael) និង មាតា

របស់លោក ឈ្មោះ​ថេអូដ័រា (Theodora) បានឡើងគ្រងរាជ្យ ប៉ាទ្រីអាក្ខមេថូឌីអូស (Patriarch Methodius) ក៍បានត្រឡប់មកកាន់តំណែងជាប៉ាទ្រីអាក្ខវិញ។ សពដ៏វិសុទ្ធរបស់សត្ត​ និគីហ្វូរ៉ូសត្រូវបានយកពីកោះព្រូកូនីស មកកុងស្តាន់ទីនូប៉លក្នុងឆ្នាំ៨៤៦ គ.ស.។ តំបូង​ សពរបស់លោកត្រូវបានដាក់នៅក្នុងព្រះវិហារ​ ឈ្មោះ អាហ្គីអា​ សូហ្វីអា​ (Hagia Sophia) [ពាក្យក្រិក​ ដែលមានន័យ​ថា​ ប្រាជ្ញាដ៏វិសុទ្ធ] ដែលជាកន្លែងដែលលោកត្រូវបាននិរទេសចេញ នៅពេលគាត់នៅរស់ ហើយក្រោយមកសពរបស់គាត់​ ត្រូវបានដាក់នៅក្នុងព្រះវិហារនៃ​ សាវ័កទាំងដប់ពីរ (Church of the Twelve Apostles)។ ថ្ងែបុណ្យចម្បង របស់សត្តដ៏វិសុទ្ធនេះ ប្រារព្ធនៅថ្ងៃទី២ ខែមិថុនា ហើយ បុណ្យ​​ប្រារព្ធ ការរកឃើញ និងការផ្ទេរ សពរបស់គាត់មកកុងស្តាន់ទីនូប៉ល​ ត្រូវបានរំលឹក នៅថ្ងៃទី១៣ ខែមិនា ។ នៅថ្ងៃទី១៣ ខែមិនា សត្ត​និគីហ្វូរ៉ូស ត្រូវបាននិរទេសចេញពីកុងស្តាន់ទីនូប៉ល ហើយ នៅថ្ងៃដដែលនេះ តែ​៣២ឆ្នាំក្រោយមក សពរបស់លោកត្រូវបានត្រឡប់មក​ទីក្រុងនេះវិញ។