សាវ័កដ៏វិសុទ្ធ លោក អារីស្តូបូលុស ជាសាវ័កមួយរូបក្នុងចំណោមសាវ័កទាំង ៧០នាក់
THE HOLY APOSTLE ARISTOBULUS, ONE OF THE SEVENTY APOSTLES
សត្ត អារីស្តូបូលុស កើតនៅកោះស៊ីប (Cyprus) ជាប្អូនប្រុសរបស់ សាវ័ក បារណាបាស (Barnabas)។ លោកបានដើរតាមសាវ័កប៉ុល (Paul) ហើយសាវ័ក ប៉ុលបាននិយាយឈ្មោះគាត់ នៅក្នុងសំបុត្ររបស់លោកទៅកាន់ជនជាតិរ៉ូម (រ៉ូម៉ាន់ ១៦:១០ [ Romans 16:10])ថា៖
«សូមជំរាបពរដល់អ្នកទាំងឡាយដែលរស់នៅក្នុងគ្រួសាររបស់អារីស្តូបូលុស»។
នៅពេលដែលសាវ័កដ៏វិសុទ្ធប៉ុល បានតែងតាំងប៊ីស្សព ជាច្រើននៅតាមតំបន់ផ្សេងៗ ពាសពេញពិភពលោក លោកក៏បានតែងតាំងអារីស្តូបូលុសជាប៊ីស្សព សម្រាប់ ជនជាតិអង់គ្លេស៍ដែលជាប្រទេសអង់គ្លេសសព្វថ្ងៃ។ នៅប្រទេសនោះ ប្រជាជនមានចិត្តឃោរឃៅកាន់សាសនា ព្រះក្លែងក្លាយ និងមានចរិតអាក្រក់។ សត្តអារីស្តូបូលុស បានរងទុក្ខវេទនា ជាច្រើន ដែលមិនអាចពណ៌នាបាន ឧទាហរណ៍ដូចជា គ្រោះថ្នាក់ និងការអាក្រក់ផ្សេងៗ។ ពួកគេបានវាយប្រហារ និងវាយគាត់យ៉ាងឃោរឃៅ អូសទាញគាត់តាមដងផ្លូវ ហើយសើចចំអក និងប្រម៉ាតមើលងាយគាត់។ តែទីបំផុត សត្តដ៏វិសុទ្ធនេះបានមានជ័យជំនះដោយសារព្រះគុណព្រះជាម្ចាស់។ លោកបានផ្សព្វផ្សាយពន្លឺព្រះគម្ពីរដល់ប្រជាជន ធ្វើពិធីជ្រមុជទឹកក្នុងព្រះនាមព្រះយេស៊ូវគ្រីស្ត សាងសង់ព្រះវិហារ និងតែងតាំងពួកបូជាចារ្យ(priests) និងឌីអាកូន(deacons) ហើយទីបំផុតលោកបានទទួលមរណភាពដោយសន្តិភាព
ហើយបានចូលទៅកាន់ រាជាណាចក្ររបស់ព្រះអម្ចាស់ ដែលលោកបានបំរើយ៉ាងស្មោះត្រង់។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 