ការប្រកាសដំណឹងអំពី កំណើតព្រះយេស៊ូ
THE ANNUNCIATION
នៅពេលដែល នាងព្រមចារីយ ដ៏វិសុទ្ធ បានគ្រប់អាយុជាង ១៤ ឆ្នាំ ហើយកំពុងឈានចូលអាយុ ១៥ឆ្នាំ បន្ទាប់ពីបានចំណាយពេល 11 ឆ្នាំរស់នៅ និងបម្រើការងារក្នុងព្រះវិហារដ៏បរិសុទ្ធ ក្នុងក្រុងយេរូសាឡិម ពួកបូជាចារ្យបានប្រាប់នាងថា យោងតាមច្បាប់ នាងមិនអាចស្នាក់នៅក្នុងព្រះវិហារទៀតបានទេ ប៉ុន្តែត្រូវតែភ្ជាប់ពាក្យ ហើយ រៀបការ។ ពួកបូជាចារ្យបាន ភ្ញាក់ផ្អើលយ៉ាងខ្លាំង នៅពេល នាងព្រហ្មចារីដ៏បរិសុទ្ធ បានឆ្លើយថា នាងបានឧទិសជីវិតរបស់នាង ដល់ព្រះ ហើយថានាងចង់នៅជាព្រហ្មចារីរហូតដល់ស្លាប់ មិនចង់រៀបការជាមួយអ្នកណាឡើយ!
បន្ទាប់មក យោងទៅតាមជំនួយផ្តិតផ្តល់ និងការបំភ្លឺពីព្រះអម្ចាស់ លោក ហ្សាការីស (Zacharias) ដែលជាមហាបូជាចារ្យ និងជាឪពុករបស់ លោកយូហាន (ដែលជាអ្នករៀបចំផ្លូវឲព្រះគ្រីស្ត) បន្ទាប់ពីទទួលការព្រមព្រាងពី បូជាចារ្យផ្សេងទៀត បានប្រមូលបុរសមិនទាន់រៀបការចំនួនដប់ពីរនាក់ ពីអំបូរ ដាវីឌ ដើម្បីរើសយកបុរសម្នាក់ដែលពួកគាត់អាចទុកចិត្ត ឲមើលថែរក្សា នាង ម៉ារី និងការពា ភាពព្រហ្មចារីរបស់នាង។
នាងត្រូវបានគេប្រគល់ទៅឲ្យយ៉ូសែប (Joseph) ជាអ្នកស្រុកណាសារ៉ែត ដែលជាសាច់ញាតិរបស់នាង។ នៅក្នុងផ្ទះរបស់យ៉ូសែប នាងព្រហ្មចារី ម៉ារី បានបន្តរស់នៅដូចកាលនាងបានរស់នៅក្នុង ព្រះវិហារ សាឡូម៉ូន ដ៏បរិសុទ្ធ អញ្ចឹង ដោយចំណាយពេលវេលារបស់នាង អានបទគម្ពីរដ៏ពិសិដ្ឋ អធិស្ឋាន គិតគំនិតតាមព្រះហរទ័យរបស់ព្រះ តមអាហារ និងធ្វើពលកម្ម។ នាងកម្រចេញទៅក្រៅផ្ទះ ហើយមិនចាប់អារម្មណ៍នឹងបញ្ហា និងព្រឹត្តិការណ៍ពិភពលោកទេ។
នាងមិនសូវនិយាយជាមួយនរណាទេ ពេលខ្លះអត់និយាយសោះ ហើយតែងតែត្រូវការ ជំនួយការពិសេស។ នាងច្រើននិយាយជាមួយកូនស្រីពីរនាក់របស់យ៉ូសែប។ នៅពេលដែលពេលវេលាបានដល់ពេញលេញ តាមការព្យាករណ៍របស់ព្យាការីដានីយ៉ែល (Daniel) ហើយនៅពេលដែលព្រះជាម្ចាស់សព្វព្រះហឫទ័យក្នុងការបំពេញការសន្យារបស់ទ្រង់ដល់ អាដាំ និងពួកហោរា នោះ មហាទេវទូត កាព្រីយ៉ែល ដ៏អស្ចារ្យបានបង្ហាញខ្លួននៅក្នុងបន្ទប់របស់ នាងព្រម្មចារីយ។
រឿងនេះបានកើតឡើង (ដូចបកស្រាយក្នុងអត្ថបទខ្លះ ដែលអ្នកនិពន្ធសាសនាគ្រីស្ត មួយចំនួនធ្លាប់បានសរសេរ) ក្នុងពេលដែលនាងកំពុងអានសៀវភៅរបស់ព្យាការី អេសាយ (Isaiah) ហើយកំពុងសញ្ជឹងគិតអំពីអត្ថបទរបស់គាត់ ដែលសរសេរថា៖
មើលហ្ន៎! នាងព្រហ្មចារីនឹងមានផ្ទែពោះ ហើយនឹងបង្កើតបានកូនប្រុសមួយ! (អេសាយ ៧:១៤)។
កាព្រីយ៉ែល បានបង្ហាញខ្លួនមកក្នុងពន្លឺដ៏ភ្លឺថ្លារបស់ទេវទូត ហើយបានស្វាគមន៍នាងថា៖
«ចូរមានអំណរសប្បាយឡើង! ព្រះអម្ចាស់គាប់ព្រះហឫទ័យនឹងអក្នហើយ ព្រះអង្គគង់ជាមួយអ្នក។»( លូកា ១:២៨ )
និងពាក្យសំដីផ្សេងៗទៀត ដូចដែលបានចែងនៅក្នុងព្រះគម្ពីរលូកា។ ការយាងចុះមករបស់ព្រះវិញ្ញាណដ៏វិសុទ្ធមកដល់ស្រ្តីព្រហ្មចារីដ៏វិសុទ្ធ ជាមួយនឹងការប្រកាសដំណឹងល្អដ៏អស្ចារ្យរបស់ទេវទូតនេះ នោះការសង្គ្រោះមនុស្សជាតិ និងការស្ដារឡើងវិញនៃសកលលោក ក៏បានចាប់ផ្ដើម។ ប្រវត្តិសាស្រ្តនៃសម្ពន្ធមេត្រីថ្មីត្រូវបានចាប់ផ្តើមឡើងដោយពាក្យរបស់ មហាទេវទូតកាព្រីយែល:
«ចូរមានអំណរសប្បាយឡើង! ព្រះអម្ចាស់គាប់ព្រះហឫទ័យនឹងអក្នហើយ»
នេះបង្ហាញថា សម្ពន្ធមេត្រីថ្មី តំណាងសេចក្តីអំណរដល់មនុស្សជាតិ និងសកលលោកទាំងមូល។ ដូច្នេះហើយ ពិធីបុណ្យ ប្រកាសដំណឹងអំពីកំណើតព្រះយេស៊ូ ត្រូវបានគេចាត់ទុក មិនត្រឹមតែថាជាបុណ្យដ៏ធំប៉ុណ្ណោះទេ ប៉ុន្តែក៏ជាពិធីបុណ្យដ៏ពេញដោយអំណរផងដែរ។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 