សាវ័កដ៏វិសុទ្ធ លោកហេរ៉ូឌីយ៉ូន , អាហ្គាប៊ូស, រូហ្វុស, អាស៊ីនគ្រីទុស, ហ្វ្លេហ្គោន និងហែរមេស
THE HOLY APOSTLES HERODION, AGABUS, RUFUS, ASYNCRITUS, PHLEGON AND HERMES
ពួកគាត់ទាំងអស់សុទ្ធតែជាសាវ័កក្នុងចំណោមសាវ័កទាំង៧០ (សាវ័ករង) ដែលសាវ័ក ប៉ុល (Paul) បាននិយាយអំពីពួកគាត់ នៅក្នុងសំបុត្ររបស់លោក។ សត្តហេរ៉ូឌីយ៉ូន (Herodion) គឺជាសាច់ញាតិរបស់លោកប៉ុល។ លោកប៉ុលបានសរសេរទៅកាន់រ៉ូមថា៖ «សូមជម្រាបសួរ លោកហេរ៉ូឌីយ៉ូន ជាសាច់ញាតិខ្ញុំ» (រ៉ូម ១៦:១១)។ ហេរ៉ូឌីយ៉ូន បានក្លាយជាអភិបាលព្រះសហគមន៍នៃ ណេអូបារធី (Neoparthia) ហើយបានរងទុក្ខយ៉ាងខ្លាំងពីពួកជ្វីហ្វ។ ពួកគេបានវាយលោកនឹងឈើ គប់ដុំថ្មលើមាត់ និងចាក់លោកដោយកាំបិត។ បន្ទាប់ពីពួកគេទុកគាត់ចោលឲស្លាប់ សត្តហេរ៉ូឌីយ៉ូន បានក្រោកឡើងវិញហើយបន្តធ្វើកិច្ចបម្រើដល់ពួកសាវ័ក។ លោកបានជួយលោកសាវ័ក ពេត្រុស (Peter) នៅក្រុងរ៉ូមហើយត្រូវបានកាត់ក្បាលជាមួយគ្រិស្ទានដ៏ទៃទៀត នៅថ្ងៃដដែលដែលលោកពេត្រុស ត្រូវបានសំលាប់ដោយព្យួរលើឈើឆ្កាង។
សត្តអាហ្គាប៊ូស (Agabus) មានវិញ្ញាណព្យាករណ៍។ ការព្យាករណ៍ពីរ របស់លោកត្រូវបានកត់ត្រានៅក្នុង សៀវភៅ កិច្ចការសាវ័ក (Acts of the Apostles)៖
- លើកទី១ លោកបានព្យាករណ៍អំពីទុរ្ភិក្សធំមួយដែលនឹងកើតមានពេញពិភពលោក ហើយវាក៏កើតឡើងពិតប្រាកដក្នុងរាជ្យកាលនៃអធិរាជ ក្លូឌីអូស (Claudius)៖ “ក្នុងចំណោមព្យាការីទាំងនោះ មានម្នាក់ឈ្មោះអកាប៊ូស។ ដោយព្រះវិញ្ញាណបានបំភ្លឺ
គាត់ក្រោកឡើងប្រាប់ពួកអ្នកជឿឲ្យដឹងថា បន្ដិចទៀតនឹងមានកើតទុរ្ភិក្សនៅលើផែនដីទាំងមូល (ទុរ្ភិក្សនោះក៏កើតមានមែន
គឺនៅក្នុងរជ្ជកាលព្រះចៅអធិរាជក្លូឌាស)។” កិច្ចការ 11:2 - នៅពេលជួបលោកប៉ុលនៅ កេសារី (Caesarea) អាហ្គាប៊ូសបានយកខ្សែក្រវាត់របស់លោកប៉ុលមកចងដៃនិងជើងខ្លួនឯង ហើយមានប្រសាសន៍ថា៖ “ព្រះវិញ្ញាណដ៏វិសុទ្ធមានព្រះបន្ទូលថា នៅក្រុងយេរូសាឡឹម សាសន៍យូដានឹងចងដៃចងជើងម្ចាស់ខ្សែក្រវាត់នេះដូច្នេះដែរ ហើយថែមទាំងបញ្ជូនលោកទៅក្នុងកណ្ដាប់ដៃរបស់សាសន៍ដទៃផង។” កិច្ចការ 21:11
សត្តរូហ្វាស់ (Rufus) គឺជាអភិបាលព្រះសហគមន៍ នៃ ទីបេ (Thebes) ក្នុងប្រទេសក្រិក។ លោកប៉ុលក៏បានលើកឡើងអំពីលោកផងដែរ៖ «សូមជំរាបសួររូហ្វាស់ ដែលព្រះអម្ចាស់បានជ្រើសរើស» (រ៉ូម ១៦:១៣)។
សត្តអាស៊ីនគ្រីទុស (Asyncritus) គឺជាអភិបាលព្រះសហគមន៍នៃ ហ៊ីរកានី (Hyrcania) ក្នុងតំបន់អាស៊ី ហើយត្រូវបានលើកឡើងក្នុង រ៉ូម ១៦:១៤។
ហ្វ្លេហ្គោនគឺជាសម្ដេចប៉ាបនៃទីក្រុង ម៉ារ៉ាថុន (Marathon) ក្នុងតំបន់ថ្រេស (Thrace)។ លោកត្រូវបានលើកឡើងជាមួយនឹងអ្នកដទៃទៀត៖ «សូមជំរាបសួរអាស៊ីនគ្រីទុស ហ្វ្លេហ្គោន ហេរមាស់ ប៉ាត្រូបាស ហេរមេស និងបងប្អូនដែលនៅជាមួយពួកគេ» (រ៉ូម ១៦:១៤)។
ហេរមាស់ (Hermas) គឺជាអភិបាលនៃតំបន់ ដាល់ម៉ាស៊ី (Dalmatia)។
ពួកអង្គទាំងអស់ប្រៀបដូចជាឃ្មុំរបស់ព្រះគ្រិស្ត បានពង្រីកទឹកឃ្មុំនៃ ដំណឹងល្អ (Gospel) ទូទាំងតំបន់ផ្សេងៗ ដោយរងទុក្ខយ៉ាងខ្លាំងដើម្បីសេចក្ដីស្រឡាញ់ចំពោះព្រះគ្រិស្ត។ ពួកគេបានចូលទៅកាន់ ព្រះរាជ្យអស់កល្បរបស់ព្រះគ្រិស្តជាទីស្រឡាញ់ដោយសេចក្ដីសុខ។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 