សាវ័កដ៏វិសុទ្ធ លោក អង់ដ្រូនីកុស (Andronicus)
THE HOLY APOSTLE ANDRONICUS
សត្ត អង់ដ្រូនីកុស គឺជាសាវ័កមួយរូបក្នុងចំណោមសាវ័កទាំង៧០រូប។ លោកជាបងប្អូននឹងសត្ត ប៉ូល (Paul) ដូចដែលសត្ត ប៉ូល បានសរសេរថា៖
«សូមស្វាគមន៍អង់ដ្រូនីកុស និងនាងយូញ៉ាស ជាសាច់ញាតិរបស់ខ្ញុំ ដែលបានជាប់ឃុំឃាំងជាមួយខ្ញុំនោះដែរ អ្នកទាំងពីរជាសាវ័ក ដែលគេគោរពរាប់អានខ្លាំងណាស់ ហើយគាត់ក៏បានជឿព្រះគ្រីស្ដមុនខ្ញុំផង» (រ៉ូម ១៦:៧)។
សត្ត ប៉ូល ក៏បានលើកឡើងពីសត្តី យូញ៉ាស (Junia) ដែលជាជំនួយការរបស់សត្ត អង់ដ្រូនីកុស។ សត្ត អង់ដ្រូនីកុស ត្រូវបានតែងតាំងជា ប៊ីស្សប នៅ ប៉ាន់ណូនី (Pannonia) ប៉ុន្តែលោកមិនបានអង្គុយនៅកន្លែងតែមួយឡើយ គឺលោកបានធ្វើការប្រកាសដំណឹងល្អនៅទូទាំងប៉ាន់ណូនី។ ជាមួយសត្តី យូញ៉ាស លោកបានជោគជ័យក្នុងការបំប្លែងមនុស្សជាច្រើនឱ្យមកជឿលើព្រះយេស៊ូ ហើយបំផ្លាញព្រះវិហារព្រះក្លែងក្លាយជាច្រើន។ ពួកគេទាំងពីរទទួលព្រះគុណអំណាចអស្ចារ្យ ដោយអាចដេញវិញ្ញាណអាក្រក់ចេញពីមនុស្ស និងព្យាបាលរោគជំងឺបានគ្រប់ប្រភេទ។
ពួកគេទាំងពីរបានទទួលការរងទុក្ខដើម្បីព្រះគ្រីស្ត ហើយដូច្នេះបានទទួលមកុដពីរជាន់៖ មកុដជាសាវ័ក និងមកុដជាមរណសាក្សី។អដ្ឋិធាតុដ៏វិសុទ្ធរបស់ពួកគេត្រូវបានរកឃើញនៅតំបន់អ៊ូហ្គេនីយ៉ុស (Eugenius) (ថ្ងៃទី២២ ខែកុម្ភៈ)។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 