សត្តបុគ្គលនៃ ថ្ងៃទី4 ខែកក្កដា​

សត្តអន់ដ្រេ (Andrew) អគ្គប៊ីស្សបនៃក្រេត (Crete)

SAINT ANDREW, ARCHBISHOP OF CRETE

Ο Άγιος Υάκινθος ο Κουβικουλάριος, Agios Iakinthos

សត្តអន់ដ្រេ (Andrew) កើតនៅក្នុងទីក្រុងដាម៉ាស់ (Damascus) ជាបុត្រនៃគ្រួសារគ្រីស្ទាន។ លោកមានជំងឺគរមិនអាចនិយាយពីកំណើតរហូតដល់អាយុ ៧ ឆ្នាំ។ កាលឪពុកម្តាយនាំលោកទៅព្រះវិហារ ហើយទទួលសម្ព័ន្ធភាពដ៏វិសុទ្ធ (Holy Communion) លោកក៏ចាប់ផ្តើមនិយាយបាន។ នេះជាអំណាចនៃសម្ព័ន្ធភាពដ៏វិសុទ្ធនិងទេវភាព។ កាលលោកមានអាយុ ១៤ ឆ្នាំ លោកបានធ្វើដំណើរទៅក្រុងយេរូសាឡិម (Jerusalem) ហើយត្រូវបានបំបួសជាសង្ឃនៅសង្ឃស្ថានឡាវរ៉ា (Lavra) របស់សត្តសាបាស (Sabas) ដ៏វិសុទ្ធ។ ដោយសារការយល់ដឹងនិងការប្រតិបត្តិព្យាយាមក្នុងជីវិតជាអ្នកបួស លោកក្លាយជាសង្ឃល្អ ជាងសង្ឃចាស់ៗជាងលោកទៅទៀត ហើយក្លាយជាគំរូដល់ពួកគេ។

បន្ទាប់មក សម្ដេចប៉ាទ្រីអាក្ខ (Patriarch) នៃយេរូសាឡិមបានជ្រើសរើសជាជំនួយការផ្ទាល់របស់គាត់។ នៅពេលដែលសេចក្តីបង្រៀនខុសឆ្គង Monothelite (ដែលបដិសេធថាព្រះយេស៊ូមានតែឆន្ទៈជាព្រះ តែគ្មានឆន្ទៈមនុស្ស) កើតមានឡើង ក្រុមប្រឹក្សាសាកលលើកទី៦ (Sixth Ecumenical Council) ក៏ត្រូវបានរៀបចំនៅក្រុងកុងស្តង់ទីនូប៉ល (Constantinople) ក្នុងឆ្នាំ ៦៨១ នៃគ.ស. ក្នុងរាជ្យនៃអធិរាជកុងស្តង់ទីន (Constantine IV)។ សម្ដេចប៉ាទ្រីអាក្ខថេអូដ័រ (Theodore) មិនអាចចូលរួមបានទេ ប៉ុន្តែបានចាត់អន់ដ្រេ (ដែលជាអគ្គឌីកងនៅពេលនោះ) ជាតំណាង។ នៅទីនោះ លោកបានបង្ហាញពីអំណោយទាន វោហារ សេចក្តីម៉ឺងម៉ាតក្នុងជំនឿ និងប្រាជ្ញាដ៏កម្ររបស់លោក។ បន្ទាប់ពីជួយនិងពង្រឹងជំនឿអរតូដុក្ស (Orthodox Faith) លោកបានត្រឡប់ទៅតួរនាទីដើមរបស់លោកនៅយេរូសាឡិមវិញ។

ក្រោយមក លោកត្រូវបានជ្រើសរើសជាអគ្គប៊ីស្សប (Archbishop) នៃកោះក្រេត (Crete)។ ក្នុងនាមជាអគ្គប៊ីស្សប លោកត្រូវបានបរិស័ទស្រឡាញ់យ៉ាងខ្លាំង។ សត្តអន់ដ្រេជាអ្នកគាំទ្រយ៉ាងមុះមុតនូវជំនឿអរតូដុ្ស ហើយបានតស៊ូយ៉ាងខ្លាំងក្លាក្នុងការប្រឆាំងនឹងសេចក្តីបង្រៀនខុសឆ្គងទាំងអស់។ តាមរយៈការអធិស្ឋាន លោកបានបង្កើតអព្ភូតហេតុអស្ចារ្យជាច្រើន រួមមានការបណ្តេញពួកសារ៉ាសែន (Saracens) ចេញពីកោះក្រេត។ លោកបាននិពន្ធសៀវភៅដឹកនាំ ចម្រៀងសរសើរ និងច្បាប់កាណុង (Canons) ជាច្រើន ដែលល្បីល្បាញជាងគេនោះគឺ ច្បាប់កាណុងដ៏អស្ចារ្យនៃការប្រែចិត្ត(the Great Canon of repentance) ដែលត្រូវបានអាននៅថ្ងៃព្រហស្បតិ៍នៃសប្តាហ៍ទី៥នៃរដូវតម៤០ថ្ងៃ។

រូបរាងរបស់លោកគឺត្រូវបានរៀបរាប់ថា “ពេលអ្នកណាមើលឃើញមុខនិងស្តាប់ឮសំដីដែលហូរមកដូចទឹកឃ្មុំរបស់លោក គេគ្រប់គ្នានឹងមានចិត្តរីករាយ ហើយកែប្រែជីវិតផ្លូវជីវិតរបស់ពួកគេ”។ ជាចុងក្រោយ កាលលោកត្រឡប់ពីការធ្វើដំណើរតាមសមុទ្រទៅក្រុងកុងស្តង់ទីនូប៉ល លោកបានព្យាករថាលោកនឹងសោយទិវង្គតមុនពេលទៅដល់ក្រេត។ ហើយវាក៏បានកើតឡើងដូច្នោះមែន។ នៅពេលនាវាចូលជិតកោះមីទីលីន (Mitylene) បុគ្គលដែលជាពន្លឺនៃព្រះសហគមន៍នេះបានបញ្ចប់ជីវិតក្នុងលោកិយ ហើយព្រលឹងលោកបានឡើងទៅរស់នៅព្រះរាជាណាចក្ររបស់ព្រះគ្រិស្តនៅឆ្នាំ ៧២១ នៃគ.ស.។

ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

Orthodox Christian Church of Cambodia (Moscow Patriarchate)