សត្តមរណសាក្សី កាល់លីនីកុស (Callinicus) ដ៏វិសុទ្ធ
THE HOLY MARTYR CALLINICUS
សត្តមរណសាក្សី កាល់លីនីកុស បានកើតនៅ ស៊ីលីស៊ីយ៉ា (Cilicia) ហើយត្រូវបានចិញ្ចឹមបីបាច់ក្នុងគ្រីស្ទសាសនាចាប់តាំងពីកុមារភាពមក។ លោកបានលះបង់អ្វីៗទាំងអស់ ហើយចេញទៅប្រកាស ដំណឹងល្អដ៏វិសុទ្ធ (Holy Gospel)។ នៅក្រុង អាន់គីរ៉ា (Ancyra) ព្រះអង្គម្ចាស់ សាសេរដុស (Sacerdos) ដែលជាអ្នកកាន់សាសនាអារក្សនិយមបានចាប់ខ្លួនលោក។ ពេលគេគំរាមដាក់ទណ្ឌកម្មដ៏ឃោរឃៅប្រសិនបើលោកមិនព្រមថ្វាយបង្គំរូបសំណាក ព្រះក្លែងក្លាយ សត្តកាល់លីនីកុសបានឆ្លើយថា៖
«ការរងទុក្ខ ដើម្បីព្រះជាម្ចាស់របស់ខ្ញុំ គឺជាអ្វីដែលខ្ញុំរីករាយបំផុត ដូចជានំបុ័ងសម្រាប់មនុស្ស ឃ្លាន»។
បន្ទាប់ពីធ្វើទារុណកម្មយ៉ាងឃោរឃៅ និងវាយដំលោក សាសេរដុសបានដាក់ ស្បែកជើងដែកដែលមានដែកគោលស្រួចខាងក្នុង ពាក់ទៅលើជើងរបស់លោក។ បន្ទាប់មក គាត់បានបញ្ជាគេអោយនាំលោកទៅក្រុង ហ្គង់រ៉ា (Gangra) ព្រោះសាសេរដុសខ្លាចក្រែងបើបន្តធ្វើទារុណកម្ម ឬសម្លាប់លោកនៅអាន់គីរ៉ា មនុស្សជាច្រើននឹងប្តូរចិត្តទៅជឿសាសនាគ្រីស្ទាន ដោយសារមានមនុស្សជាច្រើន ដែលបានឃើញការអត់ធន់ដ៏ក្លាហានរបស់លោក បានប្រែជំនឿទៅជាគ្រីស្ទានហើយ។
ក្នុងដំណើរទៅកាន់ហ្គង់រ៉ា ទាហានដែលនាំលោក ស្រេកទឹកយ៉ាងខ្លាំង ប៉ុន្តែគ្មានទឹកសោះឡើយ។ សត្តកាល់លីនីកុសបានអធិស្ឋានទៅព្រះជាម្ចាស់ ហើយបានធ្វើអោយមានទឹកហូរចេញពីថ្មសម្រាប់ពួកគេ។
ពេលមកដល់ហ្គង់រ៉ា អ្នកធ្វើទារុណកម្មបានរៀបចំគំរាមចាប់លោកបោះទៅក្នុងឡដ៏ក្តៅដែលកំពុង ឆេះភ្លើង។ សត្តកាល់លីនីកុសបានអធិស្ឋានថា៖
«ខ្ញុំថ្លែងអំណរគុណដល់ព្រះអង្គ ឱព្រះវរបិតានៃឋានសួគ៌ ដែលបានធ្វើអោយខ្ញុំសាកសមនឹងពេលវេលានេះ ដែលខ្ញុំនឹងស្លាប់ដើម្បី ព្រះនាមដ៏វិសុទ្ធរបស់ព្រះអង្គ»។
បន្ទាប់មក លោកបានចូលទៅក្នុងភ្លើង។ ពេលភ្លើងរលត់ ពួកគេឃើញថារាងកាយរបស់លោកគ្មានរលាយ ឬខូចខាតឡើយ។ លោកបានទទួលការរងទុក្ខ ដ៏ថ្លៃ ថ្នូរ ហើយបានទទួល មកុដនៃសិរីល្អអស់កល្ប (wreath of eternal glory) នៅប្រមាណឆ្នាំ ២៥០ គ.ស.។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 