ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

ក្នុងសម័យដែលព្រះអម្ចាស់យើងប្រកាសដំណឹងល្អ និងព្យាបាលរោគាព្យាធិទាំងឡាយរបស់មនុស្ស មានរាជបុត្រមួយអង្គនាមអាប់ហ្គារ (Abgar) គ្រងនគរអេដេស្សា (Edessa) នៅលើជ្រោយអេហ្វ្រាត (Euphrates) ដែលឈឺជំងឺពិការដៃជើង (ឃ្លង់) យ៉ាងធ្ងន់។ លោកបានឮពីព្រះគ្រីស្ទ ដែលជាអ្នកព្យាបាលជំងឺនិងទុក្ខទោសទាំងអស់ ហើយបានចាត់វិចិត្រករម្នាក់ឈ្មោះអាណានីយ៉ាស់ (Ananias) អោយនាំសំបុត្រទៅកាន់ប៉ាឡេស្ទីន (Palestine) ដើម្បីអង្វរព្រះអម្ចាស់អោយយាងមកព្យាបាលខ្លួន។ បើព្រះអម្ចាស់មិនអាចមកបាន ព្រះរាជបុត្របានបញ្ជាអោយវិចិត្រករគូររូបព្រះអង្គ ដោយជឿថារូបនេះនឹងអាចព្យាបាលព្រះអង្គបាន។

ព្រះអម្ចាស់បានមានព្រះបន្ទូលថា ទ្រង់មិនអាចយាងមកបានទេ ព្រោះពេលវេលានៃការទទួលទុក្ខរបស់ទ្រង់កំពុងខិតជិតមកដល់។ ជំនួសវិញ ទ្រង់បានយកកន្សែងមួយជូតព្រះភក្ត្រ ហើយរូបព្រះភក្ត្រទ្រង់បានជាប់នៅលើកន្សែងនោះ។ ព្រះអម្ចាស់បានយកកន្សែងនេះអោយអាណានីយ៉ាស់ ដោយមានព្រះបន្ទូលថា ព្រះរាជបុត្រនឹងបានជាសះស្បើយ ប៉ុន្តែមិនទាន់ពេញលេញនៅឡើយទេ ព្រោះទ្រង់នឹងចាត់អ្នកនាំសារម្នាក់មកព្យាបាលគាត់នាពេលក្រោយ។

ព្រះរាជបុត្រអាប់ហ្គារបានទទួលកន្សែងនោះ ហើយការគោរពរូបព្រះអង្គបានធ្វើអោយជំងឺគ្រុនរបស់គាត់រលាយបាត់ទាំងស្រុង មានតែសល់តិចតួចនៅលើព្រះភក្ត្រ។ ក្រោយមក សាវ័កថាដេអ៊ូស (Thaddaeus) បានមកដល់ ប្រកាសដំណឹងល្អ ហើយបានព្យាបាលនិងធ្វើពិធីជ្រមុជទឹកអោយគាត់ដោយសំងាត់។ ព្រះរាជបុត្របានកំទេចបដិមាព្រះក្លែងក្លាយទាំងឡាយដែលនៅមុខទ្វារក្រុង ហើយដាក់កន្សែងដែលមានរូបព្រះគ្រីស្ទនៅលើឈើ មានស៊ុមមាស និងត្បូងតុបតែង នៅលើទ្វារក្រុង។ គាត់ក៏បានសរសេរពាក្យខាងក្រោមរូបអាយខននោះថា៖
«ឱ ព្រះគ្រីស្ទជាព្រះអម្ចាស់ អ្នកណាដែលសង្ឃឹមលើទ្រង់ នឹងមិនត្រូវខ្មាសគេឡើយ។»

ក្រោយមក ចៅទួតមួយអង្គក្នុងវង្សត្រកូលរបស់អាប់ហ្គារបានយកការគោរពព្រះក្លែងក្លាយមកធ្វើឡើងវិញ ហើយសម្ដេចប៊ីស្សបនៃអេដេស្សាបានយករូបអាយខននោះដាក់លើជញ្ជាំងនៅពេលយប់។ 

កាលវេលាកន្លងមករាប់សតវត្ស ក្នុងរាជ្យអធិរាជយ៉ូស្ទីនីយ៉ាន់ (Justinian) មហាក្សត្រពែរស្ស ឈ្មោះខូស្រូអេស (Chozroes) បានវាយលុកអេដេស្សា ហើយក្រុងនេះកំពុងជួបនឹងគ្រោះថ្នាក់ធ្ងន់។ គ្រានោះ សម្ដេចប៊ីស្សប អេឡាប៊ីអូស (Eulabius) បានមាននិមិត្តពីព្រះមាតានៃព្រះ (Theotokos) ដែលបានបង្ហាញអំពីអច្ឆរិយៈភាពនៃជញ្ជាំង និងរូបអាយខនដែលត្រូវបានគេបំភ្លេច។ រូបអាយខនត្រូវបានរកឃើញ ហើយដោយអំណាចរបស់វា កងទ័ពពែរស្ស ត្រូវបានបរាជ័យ។