ការកាត់ក្បាលសត្ត យ៉ូហានអ្នកធ្វើពិធីបុណ្យជ្រមុជទឹក (ម៉ាថាយ ១៤:១-១២)
THE BEHEADING OF SAINT JOHN THE BAPTIST [MATTHEW 14:1-12]
ហេរ៉ូដ អង់ទីប៉ាស (កូនរបស់ហេរ៉ូដចាស់ ដែលបានសម្លាប់កុមារនៅបេថ្លេហេមនាកាលព្រះគ្រិស្តប្រសូត្រ) គ្រប់គ្រងស្រុកហ្គាលីឡេនាសម័យដែលសត្ត យ៉ូហានកំពុងថ្លែងប្រកាស់ដំណឹងល្អ។ គាត់មានអគ្គមហេសីជាកូនស្រីរបស់អារ៉េតាស (Aretas) ដែលជាស្តេចនៅអារ៉ាប់។ ប៉ុន្តែហេរ៉ូដ ដែលជាមនុស្សអាក្រក់ដូចឪពុករបស់គាត់ បានបណ្តេញអគ្គមហេសីចេញ ហើយយកហេរ៉ូឌីយ៉ាដា (Herodias) ជាប្រពន្ធដោយខុសច្បាប់។ ហេរ៉ូឌីយ៉ាដាគឺជាប្រពន្ធរបស់ភីលីព (Philip) បងប្រុសរបស់ហេរ៉ូដ ដែលនៅរស់។
សត្ត យ៉ូហាន បានឈរប្រឆាំងទៅនឹងអំពើអាក្រក់នេះ ហើយបានរិះគន់ហេរ៉ូដយ៉ាងខ្លាំង។ ហេរ៉ូដក៏បានចាប់សត្ត យ៉ូហានដាក់គុក។ ក្នុងឱកាសពិធីជប់លៀងនៅព្រះរាជវាំងសេបាស្ទា (Sebastia) ក្នុងស្រុកហ្គាលីឡេ សាឡូម៉េ (Salome) ដែលជាកូនស្រីរបស់ហេរ៉ូឌីយ៉ាដា និងភីលីព បានរាំចំពោះមុខអ្នកអញ្ជើញទាំងអស់។ ហេរ៉ូដ ដែលស្រវឹងស្រា ត្រូវបានលង់ដោយការរាំនេះ ហើយបានសន្យាថានឹងផ្តល់អ្វីៗក៏ដោយដល់សាឡូម៉េ សូម្បីពាក់កណ្តាលរាជ្យអណាចក្រ។ សាឡូម៉េ ត្រូវបានហេរ៉ូឌីយ៉ាដាបានបញ្ចុះបញ្ចូលឲ្យសុំក្បាលរបស់សត្ត យ៉ូហាន។ ហេរ៉ូដក៏បានបញ្ជាឲ្យកាត់ក្បាលសត្ត យ៉ូហាននៅក្នុងគុក ហើយយកក្បាលនោះមកដាក់លើថាសជូនគេ។
សិស្សរបស់សត្ត យ៉ូហាន បានយកសពគ្រូរបស់ពួកគេមកធ្វើពិធីបញ្ចុះដោយកិត្តិយសនៅពេលយប់។ រីឯហេរ៉ូឌីយ៉ាដា បានយកម្ជុលចាក់អណ្តាតរបស់សត្ត យ៉ូហានជាច្រើនដង ហើយបានបញ្ចុះក្បាលរបស់លោកនៅកន្លែងមិនបរិសុទ្ធ។ (អ្នកអាចអានពីអ្វីដែលកើតឡើងចំពោះក្បាលសត្ត យ៉ូហាននៅថ្ងៃទី២៤ ខែកុម្ភៈ។)
ទោះយ៉ាងណា ការដាក់ទណ្ឌកម្មពីព្រះជាម្ចាស់បានធ្លាក់មកលើពួកជនអាក្រក់ទាំងនេះយ៉ាងឆាប់រហ័ស៖
ស្តេចអារ៉េតាស ដែលចង់សងសឹកកិត្តិយសកូនស្រីរបស់គាត់ បានលើកទ័ពវាយហេរ៉ូដ ហើយឈ្នះ។
ហេរ៉ូដ ដែលចាញ់សង្គ្រាម ត្រូវបានអធិរាជរ៉ូម (Caesar Caligula) ដាក់ទណ្ឌកម្មនិរទេស (ទៅកាន់ប្រទេសហ្គោល បន្ទាប់មកទៅអេស្ប៉ាញ)។
ហេរ៉ូដ និងហេរ៉ូឌីយ៉ាដា បានរស់នៅក្នុងភាពក្រីក្រ និងភាពអាម៉ាស់ដល់ថ្ងៃដែលដីបើកមាត់លេបពួកគេ។
សាឡូម៉េ បានស្លាប់យ៉ាងវេទនានៅលើដងទន្លេស៊ីការីស (Sikaris/Sula)។
ការកាត់ក្បាលសត្ត យ៉ូហាន បានកើតឡើងមុនពិធីរំលឹកព្រះយេស៊ូរស់ពីស្លាប់ (Passover/Pascha) ប៉ុន្តែយើងប្រារព្ធនៅថ្ងៃទី២៩ ខែសីហា ដោយសារព្រះវិហារដែលស្ថាបនាលើផ្នូររបស់លោកនៅសេបាស្ទា (ដោយអធិរាជកុងស្តង់ទីន និងព្រះនាងហេឡេណា) ត្រូវបានឧទ្ទិសនៅថ្ងៃនេះ។ អដ្ឋិធាតុរបស់សិស្សសត្ត យ៉ូហាន គឺអេលីសេ (Eliseus) និងអូឌីយ៉ុស (Audius) ក៏ត្រូវបានដាក់នៅក្នុងព្រះវិហារនេះដែរ។
ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ) 