ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

 អុីរ៉ូទេអូស (Hierotheus) គឺជាមិត្តរួមជំនឿជាមួយសន្ត ឌីអូនីស្យុស អារ៉េអូបាកៃ (Dionysius the Areopagite) ហើយបានទទួលយកជំនឿគ្រីស្ទាន ពីគ្រីស្ទទូតប៉ូល (Paul) មិនយូរប៉ុន្មានបន្ទាប់ ឌីអូនីស្យុសបានមានជំនឿ។ ក្រោយមក សត្តប៉ូលបានតែងតាំងលោកជាប៊ីស្សប (Bishop) នៃក្រុងអាតេន (Athens)។

ពេល ព្រះមាតា​ទេអូតូកុស (Theotokos) ដ៏វិសុទ្ធបំផុត បានផ្ទំលក់ ទៅនៅឋានសួគ៌  លោក អុីរ៉ូទេអូស បានមកដល់ក្រុងយេរូសាឡិម (Jerusalem) ហើយបានចូលរួមក្នុងពិធីបុណ្យសពរបស់នាង។ តាមរយៈការសូត្រសរសើរដ៏ទេវភាព របស់លោក ទៅដល់ព្រះជាម្ចាស់ លោកបានជំរុញចិត្ដមនុស្សជាច្រើន ហើយបង្ហាញខ្លួនថាជាមនុស្សដែលមានការបំផុសគំនិត ពីស្ថាសួគ៍មក។

លោកបានខិតខំប្រឹងប្រែងយ៉ាងខ្លាំងក្នុងការងារផ្សព្វផ្សាយដំណឹងល្អ (evangelism) បានបំលាស់ប្តូរពួកឣារក្សនិយមជាច្រើនឱ្យមកកាន់ការពិត និងបានគ្រប់គ្រងហ្វូងចៀមដ៏មានគតិ (rational flock) របស់លោកឱ្យបានល្អ។

ទីបំផុត លោកបានសោយទិវង្គតជាមរណសាក្សី (martyr) ដើម្បីព្រះគ្រីស្ត ដែលទ្រង់បានប្រទានឱ្យលោកនូវមកុដពីរជាន់ (twofold crown) នៅក្នុងព្រះរាជនគស្ថានសួគ៌របស់ទ្រង់គឺ៖ មកុដបីស្សប (hierarch) និងមកុដរមណសាក្សី (martyr)។