ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

ក្នុងរាជ្យរបស់អធិរាជអង់តូនីនុស (Antoninus) និងបុត្ររបស់ទ្រង់ ម៉ាកុស អូរេលីយ៉ូស (Marcus Aurelius) សន្ត អាវែរគីយ៉ូស (Abercius) ជាប៊ីស្សប (Bishop) នៃក្រុងហៀរ៉ាផូលីស (Hierapolis) ក្នុងខេត្តហ្វ្រីហ្ស៊ី (Phrygia)។ ប្រជាជនភាគច្រើននៅក្នុងទីក្រុងនេះគឺជាពួកឣារក្សនិយម ហើយសន្ត អាវែរគីយ៉ូស បានគ្រប់គ្រងហ្វូងចៀមតិចតួចរបស់គាត់ ដោយមានទុក្ខព្រួយក្នុងចិត្តដោយសារចំនួនពួកឣារក្សនិយម និងអ្នកគោរពព្រះក្លែងក្លាយមានច្រើន ហើយបានអធិស្ឋានដល់ព្រះជាម្ចាស់យ៉ាងខ្នះខ្នែងថា សូមឱ្យទ្រង់នាំពួកគេមកកាន់ពន្លឺនៃការពិត។

ក្នុងអំឡុងពិធីបុណ្យគោរពព្រះក្លែងក្លាយដ៏ពេញទៅដោយសម្លេងរំខានមួយ អាវែរគីយ៉ូស ដែលពោរពេញដោយចិត្តស្រលាញ់ឆេះឆួលដល់ព្រះជាម្ចាស់ (God’s zeal) បានចូលទៅក្នុងព្រះវិហាររបស់ពួកគោរពព្រះក្លែងក្លាយ (idolatrous temple) ហើយវាយបំផ្លាញរូបសំណាក ព្រះក្លែងក្លាយទាំងអស់។ នៅពេលដែលពួកឣារក្សនិយមដែលក្រោធខឹង ចង់រកគាត់ដើម្បីសម្លាប់ មានយុវជនឆ្កួតបីនាក់ ដែលមានពពុះនៅមាត់ និងយំឡូឡា បានមកដួលចុះ នៅមុខបុរសរបស់ព្រះជាម្ចាស់ (man of God) នេះ ហើយគាត់បានបណេ្ដញពួកឣារក្ស (demons) ចេញពីពួកគេ។ យុវជនទាំងនោះបានក្លាយជាមនុស្សដែលមានស្មារតីប្រក្រតី និងស្ងៀមស្ងាត់។ រឿងនេះបានប្រែការក្រោធរបស់ពួកឣារក្សនិយមទៅជាការភ្ញាក់ផ្អើលចំពោះ អ្នកបង្កើតឣព្ភូតហេតុអស្ចារ្យរបស់ព្រះគ្រីស្តនេះ (wonderworker of Christ) ហើយភ្លាមៗនោះ ពួកគេចំនួន ៥០០ នាក់បានប្រាថ្នាចង់ធ្វើពិធីជ្រមុជទឹក។

ដោយបន្តិចម្តងៗ ទីក្រុងហៀរ៉ាផូលីសទាំងមូលបានមកជឿលើព្រះគ្រីស្ត ហើយត្រូវបានធ្វើពិធីជ្រមុជទឹក។ មានអភិបាលខេត្ត (proconsul) ម្នាក់  ឈ្មេាះពូប្ល៊ីយ៉ុស (Publius) ដែលមានម្តាយពិការភ្នែក។ អាវែរគីយ៉ូស បានធ្វើឱ្យនាងមើលឃើញឡើងវិញដោយការអធិស្ឋាន ហើយ ពូប្ល៊ីយ៉ុស ជាមួយ ម្តាយរបស់គាត់ និងមនុស្សជាច្រើនទៀតបានជឿលើព្រះគ្រីស្ត។

ក្នុងវ័យចំណាស់ អាវែរគីយ៉ូស ត្រូវបានគេហៅទៅក្រុងរ៉ូម (Rome) ដែលជាកន្លែងដែលគាត់បានព្យាបាលកូនស្រីរបស់អធិរាជពីជម្ងឺវិកលចរិត (insanity)។ ព្រះអម្ចាស់យេស៊ូគ្រីស្តបានបង្ហាញខ្លួន ដល់អ្នកដើរតាម ទ្រង់ដ៏ស្មោះត្រង់នេះជាច្រើនដង។ មនុស្សពីកន្លែងជិត និងឆ្ងាយបានមករកគាត់សម្រាប់ជំនួយដ៏អស្ចារ្យ នៅពេលដែលពួកគេទទួលរង ជម្ងឺដែលព្យាបាលមិនជា។ ពួកឣារក្សមិនត្រឹមតែខ្លាចគាត់ប៉ុណ្ណោះទេ ថែមទាំងបម្រើគាត់តាមបទបញ្ជារបស់គាត់ផងដែរ។

តាមការណែនាំរបស់ព្រះអម្ចាស់ផ្ទាល់ អាវែរគីយ៉ូស បានផ្សព្វផ្សាយដំណឹងល្អ (Gospel) នៅទូទាំងប្រទេសស៊ីរី (Syria) និងមេសូផូតាមីយ៉ា (Mesopotamia)។ ក្នុងវ័យចាស់ជរាខ្លាំង សន្ត អាវែរគីយ៉ូស បានប្រគល់ខ្លួនទៅកាន់ព្រះអម្ចាស់ដ៏ជាទីស្រឡាញ់របស់គាត់ នៅក្រុងហៀរ៉ាផូលីស នៅចុងសតវត្សរ៍ទីពីរ។