ព្រះសហគមន៍គ្រិស្តសាសនា ឣូតូដុក ប្រចាំនៅប្រទេសកម្ពុជា (តំណាងព្រឹទ្ធាចារ្យមូស្គូវ)

សត្តអេសេគីអែល គឺជាកូនប្រុសរបស់បូជាចារ្យម្នាក់មកពីទីក្រុងសារីរ (Sarir)។ គាត់ត្រូវបានចាប់យកទៅជាឈ្លើយសឹកនៅបាប៊ីឡូន (Babylon) ជាមួយព្រះមហាក្សត្រយេហៅយ៉ាគីម (Jehoiachim) និងជនជាតិអ៊ីស្រាអែលជាច្រើនផ្សេងទៀត។ សត្តអេសេគីអែលបានធ្វើព្យាករណ៍អស់រយៈពេល ២៧ ឆ្នាំក្នុងភាពជាឈ្លើយសឹក។ គាត់រស់នៅក្នុងសម័យជាមួយសត្តយេរេមី (Jeremiah)។ ខណៈដែលសត្តយេរេមីធ្វើការបង្រៀន និងធ្វើការព្យាករណ៍នៅយេរូសាឡិម សត្តអេសេគីអែលក៏បានបង្រៀន និងធ្វើព្យាករណ៍នៅបាប៊ីឡូនដែរ។ ការព្យាករណ៍របស់សត្តយេរេមាត្រូវបានគេដឹង​ឮ នៅបាប៊ីឡូន ហើយការព្យាករណ៍របស់សត្តអេសេគីអែលក៏ត្រូវបានគេដឹង​ឮ នៅយេរូសាឡិមដែរ។ សត្តដ៏វិសុទ្ធទាំងពីរនេះមានការព្យាករណ៍ស្របគ្នា ហើយអ្នកទាំងពីរត្រូវបានធ្វើបាប និងធ្វើទារុណ្នកម្ម ពីជនជាតិយូដាដែលមិនជឿ ។សត្តអេសេគីអែលបានទទួលនិមិត្តដ៏គួរអោយភ័យខ្លាច និងមិនធ្លាប់មានពីមុនមួយ។ នៅជាយខ្សែទន្លេគេបារ (Chebar) គាត់បានឃើញមេឃបើក ហើយមានពពក អណ្តាតភ្លើងនិងរន្ទះ និងសត្វពាហនៈបួនដែលមុខដូចសំរិទ្ធរំលាយ (អេសេគីអែល ១:៤)។ សត្វមួយមានមុខដូចមនុស្ស ទីពីរមានមុខដូចសឹង្ហ ទីបីមានមុខដូចកូនគោ ហើយទីបួនមានមុខដូចឥន្ទ្រី (អេសេគីអែល ១:១០)។មុខមនុស្ស សំដៅលើព្រះអម្ចាស់ដែលបានចាប់កំណើតជាមនុស្ស។មុខសឹង្ហ សំដៅលើទេវភាពរបស់ព្រះអង្គ។មុខគោ សំដៅលើការបូជារបស់ព្រះអង្គ។មុខឥន្ទ្រី សំដៅលើព្រះអង្គរស់ឡើងវិញ និងយាងឡើងស្ថានសួគ៌។ពេលផ្សេងទៀតគាត់ក៏ត្រូវបានបង្ហាញអំពីនិមិត្តនៃការរស់ឡើងវិញរបស់អ្នកស្លាប់។ ព្យាការីនេះបានឃើញជ្រលងភ្នំមួយពោរពេញដោយគំនរឆ្អឹងដែលស្ងួតហើយគ្មានជិវិត ហើយនៅពេលព្រះវិញ្ញាណរបស់ព្រះជាម្ចាស់យាងមកលើវា ឆ្អឹងទាំងនោះបានរស់ឡើងវិញ ហើយក្រោកឈរឡើង (អេសេគីអែល ៣៧:១-១០)។ គាត់ក៏បានឃើញការបំផ្លិចបំផ្លាញយេរូសាឡិមដ៏អាក្រក់បំផុតផងដែរ នៅពេលដែលកំហឹងព្រះជាម្ចាស់កំទេចមនុស្សទាំងអស់ លើកលែងតែអ្នកដែលមានសញ្ញា តូ (Tau) ដែលជាអក្សរក្រិក (អេសេគីអែល ៩:១-៧) — ដែលត្រូវនឹងអក្សរ “T” របស់យើង ហើយវាក៏ជាសញ្ញានៃឈើឆ្កាងផងដែរ។សេចក្តីអាក្រក់ឃោរឃៅរបស់ជនជាតិយូដា ក៏មិនលើកលែងបុរស់ដ៏វិសុទ្ធនេះដែរ។ ដោយខឹងនឹងគាត់ដែលបានរិះគន់ពួកគេ ពួកគេបានចងគាត់ទៅនឹងកន្ទុយសេះ ហើយទាញគាត់អោយដាច់ខ្លួន។ គាត់ត្រូវបានគេបញ្ចុះនៅក្នុងផ្នូរដូចគ្នានឹង ស៊េម (Shem) កូនរបស់លោកណូអេ។